კომაროვსა და ბაქსვუდის სკოლებს შორის მემორანდუმი გაფორმდა
- 07 თებერვალი, 2022
4 თებერვალს კომაროვისა და ბაქსვუდის სკოლებმა თანამშრომლობის მემორანდუმს მოაწერეს ხელი.
აღნიშნული თანამშრომლობის ფარგლებში კომაროვის სკოლაში ბაქსვუდის ინგლისური ენის, ხოლო ბაქსვუდში კომაროვის მათემატიკის სწავლების მოდულები იფუნქციონირებს.
მემორანდუმის მიზანია რესურსების, მეთოდოლოგიისა და გამოცდილების გაზიარების გზით ორივე სკოლის მოსწავლეთათვის დამატებითი შესაძლებლობების შექმნა, დასახელებული მიმართულებებით სწავლა-სწავლების ხარისხის გაძლიერება და ახალი საგანმანათლებლო სერვისების განვითარება.